大宇宣布離婚，心情輕鬆繼續拍戲

       有周刊大字標題報道陶大宇與太太離婚，陶太踢爆郭羨妮（Sonjia）是第三者。昨日大宇接查小欣的訪問，親口承認與太太離婚的事，並澄清導致二人離婚的原因，與郭羨妮無關，更與任何人無關，對於Sonjia無辜被拉落水，令大宇感到不好意思，更打算致電給Sonjia講聲「對唔住」。 「係我family嘅事」 陶大宇曾與郭羨妮合作拍電視劇《學警出更2》，現在陶太指控Sonjia是第三者，為何會這樣呢？大宇承認：「離婚係事實，唔關郭羨妮事，亦唔關任何人事，係我family嘅事，離婚係唔開心嘅事，但唔關任何人事的，Sonjia被涉及事件中，真係唔好意思。（點解陶太會咁講？）唔知，可能一傳二、二傳四，消息有出入。」 問大宇跟陶太何時正式離婚？他表示，兩、三星期前離婚的。有指大宇同太太經愛情長跑才結婚，如今離婚收場，會否感到可惜呢？他坦言：「作得呢個決定，就無得返轉頭，亦無得再諗番曾經發生過咩事，離婚始終係唔開心的事，總之無第三者介入，純粹係family嘅事，純粹係自己嘅問題。（你跟前妻是否和平分手？）我哋係和平分手，我哋都大個仔，大個女，離離合合都係閒事。（好彩你哋沒有小朋友？）都係，但好多朋友都為我哋擔心，亦唔開心過，我趁機會向佢哋講聲多謝，我無事，前妻都無事，我哋採取這個決定，就祝福我哋好好地，大家仍然開心去生活。」談及之前曾傳他嗜賭，會否跟離婚有關？大宇坦言不關事，現在敏感時期，很多無關的事都會跟問題有掛鈎，這是無可避免。 同Sonjia說「對唔住」 有指陶太對他與Sonjia有誤會，問大宇會否向前妻解釋？他表示：「都會解釋，但聽唔聽就控制唔到，再咁落去都要畀個電話Sonjia講聲唔好意思，這是自己的私人事，影響到人就唔好。（你跟Sonjia合作拍劇都是去年的事，為何現在才傳出緋聞呢？）咪係囉，在我眼中，Sonjia係一個好對手，好同事，拍戲好合作。（會唔會同佢表現太熟才惹人誤會？）我同個個都熟，我一向大癲大肺，這是我的性格，亦係我嘅處事態度。現在我想可以平靜些，集中工作。」談及Sonjia經常被指做第三者，大宇也替對方感到慘。 笑言回復單身更放 日後大宇會否跟其他合作女演員避忌些？大宇笑謂：「仲避忌，現在都回復單身啦！會放好多才對。（咁你會唔會接人返工呀？）咁又唔會，以前未離婚，我好多嘢都照拍！」問大宇會否很快拍拖？他表示：「離婚都係發生?兩、三星期前，拍拖事唔好講了。」有指大宇回應離婚事，表現很淡定？他笑言自己年紀大，所以會淡定少少。問他是否已致電給Sonjia時，大宇表示未聯絡到對方。查小欣即表示可以代勞，大宇指時候尚早，況且一人做事一人當，他自己會處理，不要別人操心。他又說自己大個仔，也不用別人替他操心。

不會吧 陶跟郭 兩人的年紀差那麼多 真不敢相信 難道只要一起拍戲就會產生感情嗎 看來是真的要相信了 演藝圈的誹聞那麼多 看來不是假的